مرض كاسلمان Castleman disease

حصوات المرارة بع العملية

 

حصوة صغيرة في القناة الصفراوية

 

 عملية المرارة بالخطوات والايضاح والشرح الصوتي

الحصوات الصغيره خطر؟ اعرف الحقيقة والحل

الحصوات الصغيره خطر؟ اعرف الحقيقة والحل

اصدقائي الاعزاء مشاهدي قناتي عملية المرارة بالمنظار اهلا بيكم معاكم الدكتور محمد باطه استشاري الجراحة والمناظير
المره دي هشارك معاكم فيديو عناحد عملياتي لاستئصال المرارة

لكن المره دي المرارة كانت بتحتوي عي مايقرب من 100 حصوه في احجام صغيرة

ولو حابب تعرف معلومات اكتر عن المرارة ممكن تدخل علي صفحة عملية المرارة بالمنظار علي فيس بوك وايضا مدونه علي جوجل بنفس الاسم هاسيبلك اللينك بتاعهم في الوصف تحت


نبتدي علشان مانطولش في وقت الفيديو

هنا انا جوه البطن عالي طول لاني اختصرت الخطوات الاولي لاني شرحتها في فيديوهات تانيه

دلوات شيفين انبوبه رفيعع دي الشريان المغدي للمرارة وبيكون متفرع لفرعين زي مانا موضح كده واللي طبعا هايتربطو وينقسمو قبل شيل المرارة

شايفين برضو حاجه زي الكوره الصغيرة دي الغدة الليمفاويه المصاحبه لشريان المرارة بتلتهب وتكبر في الحجم طبعا مع التهاب المرارة وبتيجي اهميتها اكتر لما بنبقي شاكين ان في ورم في المرارة فلازم تستاصل معاها

اما الامبوبة الكبيره دي فهي قناة المرارة او القناة الصفراوية ودي الحقيقة مستسعة اتساع مرضي واكبر كتير من قطرها الحقيقي لان قطرها العادي بيكون حوالي 4 ملليمتر

وطبعا ده خلاني اشك ان يكون حصوه او اكتتر من الحصوات الصغيرة اللي في المرارة دخلت جواها زي ماهانشوف دلوات


شايفيني دلوات بعمل زي اتنين وينندو او شباكين صغيرين واحد بين القناه دي وشريان المرارة والتاني بين شريان المرارة وحد الكبد دي الطريقه العلميه الصحيحة لعمل استئصال امن للمرارة بالمنظار



شايفيني باستخدم مقص المنظار في التسليك والشغل والحقيقة مش دايما باعمل كده لكن اضطريت استعملو في الحالة دي لسببين الاوا اني باستخدمه بحرص وحسابات ناتجه عن خبرات قديمه وثانيا ان نسيج المرارة هنا ناشف ومتلبف في مناطق كتيره والمشرح العادي مش هايسعفني في الشغل ده وطبعا كن ظرف وكل حاله ليها استخدام الالة المناسبة ليها . وطبعا المقص ده متوصل من خارج البطن بجهاز الكي الكهربائي وبالطريقه دي قدرت استخدمه للكي وللقص في وقت واحد

بعد مالقيني راضي عن عمليه التسليك والتشريح لحد كده ابتديت افصل شريان المرارة بعد ما ادبسه بالدباسه اللي حضراتكو شايفينها كده


عمليات الغسل بمحلول ملح معقم ودافي وشفط الغسيل ده من وقت للتاني مهمه عشان يبقي فيه روؤيه جيدة لمحيط العمليه


طبعا حجم الدبوس لايكفي القناه الكبيره دي فاهاشوفلها حل تاني
الحل اني اربطها بخيط جامد يكفي لقفل الانبوبه السميكه المتسعه دي . والحقيقة الربطه دي عملتها في الداخل رغم صعوبتها ودي ضمن الجزء اللي هايخرج بره الجسم

الخطوه اللي جايه في غايه الاهميه وزي ماقلت لحضراتكو اشتيهت في وجود حصوات وحسيت بيها وانا بمسك بالالة رغم انها ماظهرتش فس الاشعات قبل العملية

فقررت اعمل فتحه صغير اطلع منها الحصوت وراعيت كويس اني اسيب مساحة كافيه تكفي لعمل ربطه اخري اللي هي هاتتساب في الداخل تقفل القناه عشان مايحصلش تسريب مراري


فعلا لقينا الحصوات الصغيره وربنا انقذ المريضه دي من خطر الاصابه بالصفره والانسداد المراري لو الحصوات دي دخلا القناه الاوسع اللي ورايا دي اللي هي القناه المرارية

وبعد كده حطيت قسطره الي الداخل وابتديت اغسل واشطف باقي الفتات وقطع الحصوات الصغيره عشان ماتكونش نواه لتكوين حصوات جديده داخل القنوات

بعد كده بكمل تسليك المرارة عشان اقدر اتمكن احط ربطه قويه وامنه قبل الفتحه

والاله اللي باحط بيها الربطه دي اسمها الاندولوب وهي جهاز بسيط بلاستيك فيه خيط معقود جاهز اللي بنسميها الخيه وجاهز علي ان احنا بس نقرط عليه

بعد كده باغسل مره اخيرة واشفط اي حاجه مالهاش لازمه ولو فيه اي جروح بنكويها او اي مناطق فيها نزف بنكويها

وبكده يتبقي لينا بس خطوتين اخيرتين اني احط درنقه داخل البطن وهي عباره عم انبوبه صغيره بسيبها حوالي 24 ساعه وبشيلها
واني اخرج المراره بره في حاجه اسمها اندوباج لكن لما كنت عاوز اوفر للمريصه لان حالتها ماتسمحش بالتكلفه استخدمت فرده جوانتي معقم ودي طريق اقتصاديه وبتفي بالغرض
وبكده يبقي العمليه انتهت وبعد كده بنقفل الجروح الصغيره بتاعة مداخل الادوات والمنظار ببعض الغرز الصغيره وبعد ماالمريض مايفوق من التخدير بنخليه في الافاقه فتره صغيره وبعد كدع بيتنقل عي حجرته

شكرا جزيلا انك استنيت لاخر الفيديو و متنساش اذا اعجبك الفيديو انك تشترك في القناه وتفعل الجرس كده بتاكدلي اني بقدم شيء مفيد و عشان يوصلك كل جديد في القناه والي لقاء

استئصال المرارة

 بفضل الله اجري عملية استئصال المرارة بالمنظار الجراحي من خلال فتحات صغيرة جدا يتراوح عددها من ١ الي ٤ حسب صعوبة الحالة. واستخدم احدث اليات جراحة المناظير . يتم في العملية استئصال المرارة من مكانها بعد ربط وفصل قناتها والشريان المغذي لها .تستغرق الحالة حوالي ساعة في المتوسط علي حسب صعوبة الحالة او وجود التهابات او التصاقات في محيط المرارة او في طريق الدخول اليها او في حالات اختلافات الاوضاع التشريحية للاشخاص والتي تصل في تلك المنطقة من الجسم الي حوالي ٥٢ فرق تشريحي. يمكن ان يتناول المريض بعض السوائل او الطعام المنزوع الدسم بعد فترة اصغر من حالات الجراحة التقليدية. بعد فترة من العملية وبعد عودة الجهاز الهضمي لحالة افضل يمكن ان يتدرج المريض في انواع الغذاء الي ان يصل للغذاء العادي. لايعاني المريض بعد العملية من الالام الشديدة او الامتناع الطويل عن الطعام والشراب او تاخر العودة للعمل وممارسة الحياة الطبيعية او حدوث ضعف في عضلات البطن او حدوث فتق جراحي مكان العملية مثلما يحدث في عملية المرارة الجراحية التقليدية